Kilinochiyile Salabhangal 

ചെയ്യാത്ത കുറ്റം ഏറ്റെടുക്കുന്ന ഡാവിഞ്ചിയച്ചനിൽ തുടങ്ങി യേശു എന്ന യുവറബ്ബിയിലൂടെയും അമൽ എന്ന പലസ്തീൻകാരിയിലൂടെയും ഹെബ്രായ വീരനായിക യൂദിത്തിലൂടെയും മറ്റും സഞ്ചരിക്കുന്ന ഹൃദയസ്പർശിയായ ഈ കഥകൾ മനുഷ്യപ്രകൃതിയുടെ അവസ്ഥാന്തരങ്ങളിലൂടെ വായനക്കാരെ അനന്യമായ അനുഭൂതികളിലേക്ക് നയിക്കുന്നു.
-സക്കറിയ

മുറിവേറ്റ മനസ്സുകളെ ആശ്വസിപ്പിക്കാൻപോന്ന ഒരു വാക്ക്, ലോകഭാഷയിലെങ്ങും ഇനിയും ഉരുവംകൊള്ളാത്ത ഒന്ന്, കണ്ടെത്താനായി ബദ്ധപ്പെടുന്ന ഒരു കഥാപാത്രമുണ്ട് 'കിളിനോച്ചിയിലെ ശലഭങ്ങ'ളിൽ. കണ്ടെടുക്കപ്പെട്ടാൽ മുറിവുകൾക്കുമേൽ അത് ലേപനമായിത്തീരുമായിരിക്കും. എഴുത്ത് സമൂഹത്തിൽ ഒരു സാന്ത്വനചികിത്സയായി പ്രവർത്തിക്കേണ്ടതുണ്ട് എന്നു വിശ്വസിക്കുന്ന ഒരാളുടെ ഉത്കണ്ഠകളാണ് ഈ കഥാസമാഹാരം. ജയിക്കുന്നവന്റെ തൂലികയിൽനിന്നല്ല യഥാർത്ഥ ചരിത്രം രൂപപ്പെടേണ്ടതെന്ന് ഉറപ്പിക്കുന്ന കഥകൾ.
-ഇ. സന്തോഷ്കുമാർ

ഷീലാ ടോമിയുടെ കഥകളുടെ സമാഹാരം