Puleenji

രുചിയും യാത്രയും പാട്ടോർമ്മകളും പ്രണയ നിമിഷങ്ങളും തുടങ്ങി എരിവും പുളിയും മധുരവുമുള്ള കുറിപ്പുകൾ ഡബ്ളിയു. പി.ടി ലൈവ് എന്ന ഓൺലൈൻ മാഗസിനിൽ സീരീസായി എഴുതാൻ തുടങ്ങിയപ്പോൾ പുളീഞ്ചി എന്ന പേരല്ലാതെ മറ്റൊന്നും മുന്നിൽ വന്നില്ല. ഒന്നാമത്തെ അധ്യായം എഴുതി നൽകിയപ്പോൾ ആശങ്കയുണ്ടായിരുന്നു. എൻ്റെ പക്കാ വെജ് നാട്ടുരുചികളും ചുരുങ്ങിയ അനുഭവകാലത്തിലെ കാഴ്ചകളും സ്വീകരിക്കപ്പെടുമോ എന്ന ചിന്ത. പക്ഷേ അതിനെയെല്ലാം പിൻതള്ളിക്കൊണ്ടുള്ള നല്ല പ്രതികരണമായിരുന്നു ലഭിച്ചത്. പ്രായഭേദമെന്യേ നിരവധി യാളുകൾ വായനക്കാരായി എത്തുകയും സ്നേഹത്തോടെ പ്രോത്സാഹിപ്പിക്കുകയും ചെയ്തു.